期權平倉初試

話說我11月1號嘗試做 1手(1000) SP11月 領展(823) $80，到期收期權金$259。

11月5號，見領展股價略跌，小弟再睇當時期權金係 $379，以為升咗賺到少少諗住嘗試玩下平倉，點知一按平倉原來要係場外買回一手SP，最終係要用 $379 去接返一手PUT，即係BUY PUT，最後原來係蝕了 $162。

小分些牙係希望各位期權初哥知道SP原理，當你做SP，其實係“-1”手貨，因為你其實本身無貨係手，所以會顯示 “-1”。 

當你平倉其實即係要做返“+1” 動作，所以你要係市場買返1手PUT，即係BUY PUT個邊。

如果股價跌，SP價格當然升啦，相反如果股價升，SP價格跌。所以如果做平倉而賺錢，應該等股價升先平倉，當然時間值都會牽涉係價位之上。記住喇(同自己講的)。