電競音樂節電玩節2019

好耐都無參觀過類似嘅電玩節，今年既然有電競睇，況且做下research知道一下電競係咩東東，咁就比40大洋去感受一下氣氛。

你睇下Hot Toy條龍

首先講講電玩節，PS4當然個位置係最大啦，有好多試玩嘅場地，有新game推介，VR體驗等等。除左遊戲商，仲有玩具商參展，Hot Toy係最多人排隊買心頭好，條龍真係好誇張，不是你話排就排，要上網登記先有得排隊入去攤位買Hot Toy，佢個marketing strategy 做得好好。

之後再周圍逛逛，到達舞台位置，欣賞Cosplay大賽，過程中發現質素相當高，每隊有主題，還有配音配樂，配合台上主角神情動作，確實睇到我都目定口呆。其實家長應該比多啲年青人將自己所長發揮，唔好淨係讀書讀書讀，我自己就係過來人，讀得書多唔代表搵錢搵得多。

欣賞完之後就到《英雄聯盟》手遊比賽，Samsung全力贊助S10供參賽者使用。比賽中有兩個年輕主持兼旁述負面講解比賽中嘅策略，確實利害。觀眾有年輕人中年人，大家都睇得好肉梗。呢隻game確實利害。

展覽另一個corner位有其他本地自創動漫品牌，雖然人流不多，但可以看到年青人創業嘅成果，小弟給你們10個贊，繼續努力。

《創天綜合同人祭》主要由一個個細小攤位組成一個區域，產品多樣化，有Broad Game、動漫飾物、寫真集相冊等等。

至於現今電競發展到什麼程度呢，我平時都係聽同睇新聞而知道大慨，當我親眼睇到就覺得自己原來知道嘅係皮毛，我覺得被我眼前見到嘅不敢嘩然。第一次入去時間覺得好似睇演唱會，有一個大stage，有一邊係評分席，有幾張好型嘅大頭照，好似明星咁大大張展現黎。

除左大舞台，還有其他攤位活動包括VR體驗、懷舊機鋪、體驗VR無人機等等，最想玩無人機，但太多人排隊，所以放棄。

整體來講，今次展覽好新鮮好多元化，有好多合作機構包括手機、電台、網絡商等等，有好多表演睇，有年青人追夢，專業Cosplay，真係好多姿多彩。睇到電競其實仲有更加多爆炸性增長，因為5G時代來臨，究竟將來會唔會 納入奧運項目，我們拭目以待。

談談堅持與投資

最近有一件事要堅持地做，先有機會成功。我不斷提自己一定要堅持!堅持!堅持!但人真係會有惰性，當堅持做一件事，人的內心深處會不停暗示好累，休息一下吧！

所以真的很佩服創業的朋友，他們在過程中不停徘徊堅持與放棄的邊緣，一來受外在因素影響，朋友家人不停放負能量，另外加上內心的糾結，最終成功只是小數。

其實個人覺得真的看看你有幾想得到你追求的最終目標，你怎樣提升潛意識去讓他發放正能量，使到你的堅持得以更加鞏固。

如果應用在投資層面，你要說給自己聽有幾想同幾快得到財務自由，堅持不懈去學習投資上的知識，鞏固基礎，從而在戰場上穩打穩扎或者見到機會瞄準出擊。

久違了的林Sir每月分享會

星期二晚上了林本利博士每月分享課堂，對上一堂已經係上年12月，幸運得到朋友幫忙交報名費先上到林sir堂，因為佢真係好多粉絲(1400個學生)，基本上開始報名計，一兩日就滿額。

林sir每月分享會，主要內容包括用歷史數據分析股樓匯市況、環球時事、個人組合表現、股票推介以及其分析等等。佢開班理念主要教導散戶建構理財組合，每次課堂都會同大家review下外匯同股市走勢。林sir每半年會挑選10隻股票供學生參考，佢自己亦都會身體力行買入到價嘅股票，因為佢話無理由推介而自己又唔買，而課堂大部分學生都會跟著林sir指示買入股票。

我覺得林sir有一理念係好岩大家跟著做，林sir明言 “不要估市，分段入市”。他根據歷史數據推斷今年低位大約24000點，但他明言沒有水晶球，唔知會唔會跌到或者跌穿此目標位置，所以策略上要分斷買入，唔好心急之如要有紀律。

其實好多散戶大忌係跌又無膽升又擔心，如果你對一隻股票熟悉，知道係優質的話，股價跌其實應該好興奮，可以平價錢買入心儀標的，就等於你去超市見到貨品大減價掃貨一樣。

半年結恒指升10.4%，林sir股票倉升幅19%，跑贏恒指約9%，佢宜家股票倉位大約六成貨，他講自己組合已跑贏好多基金佬。其實每年做到跑贏恒生指數已經好叻，所以我都要比心機，做一個長期領先恒指嘅長跑好手。

另外林sir出版了不同嘅理財書籍，文章顯淺易明，其理念主要教大家簡單理財觀念，基本股票知識，適合不同年齡層人士閱讀。

《美股初試牛刀-富途證券》

富途控股業績

2019第一季度，富途控股實現營業收入2.364億港元，同比增長37.1%；淨利潤4,930萬港元，增長2.5%；毛利率74.1%，同比升4.4個百分點。
按收入結構看，交易佣金及手續費收入1.146億港元，佔總營業收入48.5%；另一方面，利息收入達1.079億港元，佔總營業收入45.6%；其他收入（包含企業服務業務）為1,395萬港元，佔總營業收入5.9%
從過去三個年度業績可以看到，其交易佣金及手續費收入佔比不斷下降，由2016年度的85.6%下降至2018年度50.3%；相反，利息收入佔比卻持續提升，由2016年度的7%上升至2018年度的44%。

富途潛力

1. 富途新推品牌富途安逸
企業服務業務正是富途當前一大發力點。今年5月初，富途控股推出企業服務新品牌富途安逸（Futu I&E），聚焦於新經濟企業在海外資本市場的兩大業務，一是海外IPO分銷業務，二是員工持股計劃解決方案。

2. 提供IPO分銷服務
截至目前，富途控股已為在港上市的小米集團-W（01810）、美團點評-W（03690）、同程藝龍（00780）等，以及在美上市的新氧（美股代號：SY）、雲集（美股代號：YJ）等，提供IPO分銷服務，並奪得瑞幸咖啡（美股代號：LK）獨家「打新」分額。另外，富途已成為騰訊控股、雲集、同程藝龍、蘑菇街、獵聘的員工持股計劃解決方案供應商。

富途隱憂

1. 營銷宣傳成本仍然很高
從富途證券2019年第一季度財報看，營銷宣傳成本佔據公司總支出的比例仍然很高，作為互聯網券商平台，這一高額營銷宣傳投入又是它所必須要承擔的，這就給富途證券的未來留下隱患：隨著互聯網流量紅利的退散、流量越來越稀缺和昂貴，未來富途證券想要繼續快速吸引用戶、特別是付費用戶將越來越艱難，它的業績表現能否繼續保持比較大幅度的增長？這裡要打個問號。

2. 營銷市場費用投入產出比成本結果有限
富途證券在去年的營銷市場費用投入是1252.3萬美元，這幫助它實現的新增入金客戶數為52764人，據此估算，富途證券吸引單個入金新客戶的成本高達1590元人民幣，投入產出比非常有限。

3. 閒置資金利息為核心收入來源，未必能維持 另外，富途證券的核心收入來源“利息收入”完全是來自於付費客戶的閒置資金，富途證券是通過將這些閒置資金做為銀行存款等操作來賺取利息。不過，一旦未來用戶、特別是付費用戶的增速無法保持，富途證券想繼續依靠這個來賺錢就要面臨很大的挑戰了。

根據個人分析

1. 富途平台幾user-friendly

2. 騰訊是其大股東，名氣相對其他公司比較高，IPO分銷服務有機會保持一定佔有率

3. 上圖純技術分析，似築了大圓底

4. 期待新企業服務會有爆發性增長

5. 客戶閒置資金收息竟然是核心收入，如果資金撒走，業績好大機會轉差，這個是主要風險。

本人最後初試牛刀買入100股，繼續觀察其業績。

(更新: 有見市況不穩，加上美帝主力攻擊中資股，已於2/8/2019賣出，微蝕$177)

怎樣做到自己定下的目標

之前同朋友閒談開，點解會睇關於有鼓勵性質嘅Fan Page或者KOL，佢講因為原本想搵下有無一啲資訊可得到關於提升銷售的方案。搵到一個Facebook KOL，講嘅嘢好有ponit，好有鼓勵他自己的想法。其實我都有留意過呢位KOL，他主要帶出當有一個想法，要計劃實行，加上信念同堅持，不斷激勵自己，持之以行，最終會達到目標。

其實我之前睇過類似的書籍，上過類似的課堂，都講過類似的方法，例如《吸引力法則》，都教人只要想那件事成功，定下以此為目標，將計劃/目標寫出來，每天不停提自己"我一定做得到"，持續地增強信念，久而久之慢慢就會喚醒自己的潛意識去做好呢件事情。

之前課堂老師有講過，信念是人們深層結構的其中一項重要因素，它塑造及製造人們很多方面的思想和行動。

信念亦分好與壞，積極信念使人樂於接受改變; 限制性信念使人抗拒改變。

好多人受到限制性信念影響，例如人們常掛咀邊“很難改變啊…” > “改變有什麼好?吃力不討好” > “固步自封，缺乏創意” > “我都講過好難改變”，最後不停咁loop，最終導致一次又一次失敗。

那怎樣破除限制性信念，首先保持積極信念，嘗試同自己講“我可以改變” > 積極過程 “盡力去做”/“想方法面對挑戰”/“相信改變令人成長進步” > 達到成功有理想成績 > 證明“其實我可以改變”。將這個信念變成習慣，好多成功人士都是這樣將正向信念變成他們做人做事的方式。

龔成兄在《80後2百萬富翁》都有提過自己怎樣激勵自己成為千萬富翁，包括寫下目標紙仔，每天月用心讀出; 靜思15分鐘的習慣，進入了“自己”的潛意識，跟自己內心深處交流，重組思維，思考以及檢討一下自己，對訂立目標及方向都有很大幫助。

其實開始寫blog的想法，對我而言，就是憑著堅信自己會成功的信念，嘗試用文字表達出來，好讓自己回顧自己的在過程中，記錄對與錯，成與敗，慢慢作出改變同調節，最終掌握獨有的投資或者做事方式去達到目標。過往無用文字表達就連自己那裡出錯都找不到，只憑記憶找出來，其實人的記憶有限，根本沒辦法記到你曾經學過的東西，回想起都覺得可惜，所以係時候用自己文筆記錄一番，將所想所學盡情寫出來。