日劇《我要準時放工》

最近追看的一套名字比較有趣的日劇《我要準時放工》，起初覺得咁都可以製作到一套電視劇，唔係嘛？但睇睇下有幾得意喎，故事講哒述女主角因為以前份工每天OT，終於要捱到入廠，轉工之後每天都可以完成每日task，然後準時收工。昨天已經大結局(原來得10集)，最尾一集有幾句精警對白比較深感受。

1. 所謂工作，只會集中係能幹的人身上

當你愈做得野愈能幹，上司會讚你做事有效率well done。不過你唔好以為佢讚你一句，薪金就會增長快升你職。陰謀論咁睇，你愈做得野，更加唔想升你職，升咗你邊個幫我做野呀～ 到頭來咪加你薪少少，加辛就更多。

2. 有時候拼盡全力先會有那份喜悅，但也不值得連命都拼上去吧

其實完成一個job係滿有成功感，但真係不至於做到唔識收工，日做夜做，捱壞身體之如，工作效率只會更低。適當時應該去relax下，做下運動，增加正能量。

3. 勞動階層多多少少都連命都拼上去

其實都係擔心無咗份工，連放過假都驚被人炒，確實可悲。

4. 為工作拼命是為了幸福? 為了保護家人同下屬，只有拼命工作。

真的嗎？你認同嗎？為幸福而工作，唔係應該為幸福而努力解立財務自由嗎？要努力脫離打工生涯，我覺得覺叫做幸福。幸福應該係你可以隨時隨地做自己喜愛的事，跟喜愛的人一起生活

5.  死前大半珍貴時光都奉獻給勞動

呢句相信打梗工嘅最入心，係時候作出改變。

這5句對白完全道出日本人上班一族嘅文化，亦表達到香港嘅文化。最後一句讓我最深感受，所以我同自己講，一定一定要努力實現財自，嘗試攪攪生意，增加第二收入，最終讓第二收入取代第一收入，同時不斷儲資產，努力建立生錢的滾輪，繼而做到可以隨時不用打工都可以生活無憂，希望做自己鐘意做嘅野。

(圖片來源來自《我要準時放工》劇照)